هەموو وردەکارییەک گرنگە

هەزاران کەس و هەزاران پارچە بۆ دروستکردنی هەر دیفێندەرێک کۆدەبنەوە. دەنیز یەتکین هەموو شتێک لەسەر ڕێڕەوی خۆی دەهێڵێتەوە.

دەنیز دڵنیایی دەدات لەوەی کە هەموو پەرەسەندنێکی نوێ لە سەرانسەری خێزانی دیفێندەردا و لە کاتی خۆیدا بە کوالێتی و تێچووی گونجاوەوە دێتە ئاراوە. کۆمپانیای JLR پێی دەڵێت بەرپرسی زنجیرەی پرۆسێس بۆ بەرنامەکانی ئۆتۆمبێل.

کارێکی گەورەیە، کەسانێک لە بەریتانیا، سلۆڤاکیا و هەنگاریا بۆ بەدیهێنانی ستراتیژی ئۆتۆمبێل، دیزاین، پەرەپێدان و ئامانجەکانی خستنەبازاڕەوە پێکەوە کاردەکەن. وە ئەوە هەمووی نییە: هەروەها دەنیز سەرپەرشتی پێنج تیم دەکات کە سەرنجیان لەسەر سەلامەتی، کورسی، کابینە، دەرگا/شووشە و کابینەی شوێنی شۆفێر/کەشوهەوای دیفێندەرە.

دەنیز لە هەموو هەنگاوێکدا کار لەسەر ئۆتۆمبێلی ئایکۆنی دووبارە لەدایکبووی 4x4 دەکات. “لە قۆناغی سەرەتایی دیزاینەوە دەست پێدەکەم، لە نزیکەوە هاوکاری تیمی ئەندازیاری دەکەم بۆ دڵنیابوون لەوەی کە بەرهەمەکە داهێنەرانەیە و لە هەمانکاتدا بەرزترین ستانداردەکانی کوالێتی و متمانەپێکراویش دەیگرێتەوە.

“من لە پرۆسەی ئەندازیاری ورددا بەشداریم هەیە، تاکوو هەموو لایەنەکانی دیزاینەکە بە توندی دەکۆڵرێتەوە. ئەمەش بریتییە لە سەرپەرشتیکردنی قۆناغەکانی بەرهەمهێنانی تاقیکاری، چارەسەرکردنی ئاستەنگەکان لەکاتی سەرهەڵدانیاندا، و شکۆدارکردنی دیزاینەکە بۆ ئەوەی لەگەڵ ستانداردە توندەکاندا بگونجێت کە بۆ ئۆتۆمبێلێکی لە ئاستی دیفێندەر دانراون.”

دوای ئەوە بەرهەمهێنانی تاقیکاری دێتە ئاراوە و ،لە کۆتاییدا، بەرهەمهێنانی زنجیرەیی دەگات. وە هێشتا کاری زیاتر هەیە بۆ دەنیز.

"هەروەها ڕۆڵی من بریتییە لە بەڕێوەبردنی بودجە، تێچووی ئامرازکردن، دیزاین و پەرەپێدان، هەروەها نرخی پارچە بۆ ئەوەی لە سەرکەوتنی گشتی و بەردەوامیی هەموو پڕۆژەیەکی دیفێندەر دڵنیا بین."

پێش ئەوەی کار لەسەر دیفێندەر بکات بەڕێوەبەری پڕۆژە بۆ کوالێتی دابینکەر بووە، پاشان بەڕێوەبەری کوالێتی لە ئەندازیاری کارەبا بووە، کە تیمێکی جیهانی هەمەچەشنی بەڕێوە بردووە کە کاریان لەسەر نەرمەکاڵا، زانیاریوسەرگەرمی، سیستەمی پێشکەوتووی یارمەتیدانی شۆفێر و کوالێتی سیستەمی دابەشکردنی کارەبا کردووە.

ئەو دە ساڵە کە دەنیز لە JLR کاری کردوو خۆشەویستییەکی قووڵی بۆ دیفێندەر پێبەخشیوە. “تێکەڵە ناوازەکەی لە شاهانەیی و متمانەپێکراوبوونی لەگەڵ مندا پەیوندیەکی قووڵی درووستکردووە. دروستکردنی ئۆتۆمبێلێک کە سەرکەشی و متمانەپێکراوی تێکەڵ بکات تەنها کارێک نییە بەڵکو سەرچاوەی ڕەزامەندییەکی بێئەندازەیە.”